بسم اللة الرحمن الرحيم

السلام عليكم ورحمة اللة وبركاتة

ازيكم يا اعضاء احسن وافضل منتدى الكلمة دى هفضل اقولها الى ماشاء اللة

انا كتيت عنوان الموضوع ( بلا عنوان ) لانى فعلا مش عارفة اسمية اية مش عارفة حتى احطة فين بس انا فكرت وقولت ان ممكن يكون فى منتدى التعارف لانة لو حصل اى تفاعل ممكن فعلا نتعرف على بعض اكتر

انا موضوعى دا انا بكتبة من موخى على الصفحة على طول ودا علشان يكون الكلام تلقئى من غير اى مقدمات وطبعا انا عمرى ما عملت كدة فى اى حاجة بكتبها لازم كذا مسودة بس فى الشعر بس علشان يطلع منظم

هنا بئة ربنا يسهل كدة واكتب على طول وبردة يكون منظم

كل الموضوع انى هتكلم عن الصداقة فى حيتنا كلنا

ممكن تقول موضوع اتناقش كتير بس انا النهاردة مش جاية القى كلمة فى برنامج ولا حتى ادى ندوة يعنى كلامى كلة هيكون من القلب بحقائق حصلت ليا انا شخصيا من ناس كتير يعنى من الاخر مش هيكون كلام انشا مش موضوع تعبير

مش هطول اكتر من كدة وندخل فى الموضوع انا هكتب اللى عندى واى حد يدخل ويقراء الموضوع ياريت يقول رائية فى الكلام دا او عندة نقد او حتى تعليق او وجهة نظر او اى حاجة يقولها لوحتى موقف



نبداء على بركة اللة

كل الحكاية انى هتكلم عن بنت البنت دى هقول كل حاجة فيها من طباع وحشة او حلوة وهقولكم اية قصتها مع الاصدقاء

البنت دى كانت زى احد فية مميزات وفية كمان عيوب بس هى بئة مميزتها ممكن تكون اكتر من عيوبها يعنى اللى فعلا يتاعامل معاها او يعرفها عن قرب يقول انها مش فيها اى عيب او عيوبها جنب صفتها الكويسة نبدا بالاهل قالو عنها اية

اول صفة

ذكروها الاخلاص والحب المتناهى للشىء او حتى للشخص انسانة مخلصة جدا لكل انسان بتتعامل معاة وبالذات اهلها عندها اهلها دول محدش يمس شعرة منهم ولو حد فكر مجرد تفكير فى حاجة زى دى عندها بحياتة ولا حتى هى باقبل اى هزار من اى حد على اهلها من اى حد مهما كان

تانى حاجة

انسانة مهزارة بطريقة غير عادية مع اى حد بتتعو\د علية بتتمتع بخفت الظل زى ما بيقولوا فعلا هو دا ممكن يكون نابع من جواها بمعنى انة شىء مش مصطنع لانها اصلا بطبعها مش بتحب الحزن ولا بتحب تكشر فى وش اى حد ديما بتحب الابتسانة بتهزر بطريقة مقبولة مع الناس القريبة وطبعا دا كلة بحدود بردة مش الحكاية مفتوحة كدة





تالت حاجة

انها انسانة عندها هدف لما بتعوز شىء بتجيبة انسانة عندها ارادة قوية بالنسبة لسنها دا بتقدر تتغلب على اى موقف هى بتتعرضلة وديما لية طريقة حلوة اوى فى التخطيط ديما بيكون ليها خطتين فى اى حاجة يعنى بتحب تعمل حسبها علشان لو حدةفشلت يبقى فى حاجة تانية تنهض لان كل انسان ساعات بيتعرض لمواقف بيحتاج فيها التفكير الكويس والسريع فى نفس الةقت اللى مش ياخد وقت بس مش معنى كدة انها مش بتزعل لما حاجة بتفشل لاء بس موقف عن موقف بيفرق يعنى هى مثلا هى اتاثرت جدا لما مستقبلها اتغير 180 درجة ولسة متاثرة ما فيهاش اى ارادة هى صحيح كانت حطة خطة بس كلة عندها الا مستقبلها الن اى قرار هى بتخدة بتخدة بعد تفكير عميق اوى مش بسهولة هى لحد دلوقتى نفسيا منهارة و محبطة جدا ممكن يكون اللى حاوليها مش يحسو بكدة ودى نقطة هنقشها فى وقت تانى بس المهم انها بردة عندها احباط بس عقلها عمال يرفض الضعف دا لانها مش بتحب تكون ضعيفة فى موقف مهما كان لانها لما بتكون ضعيفة مش بتعرف تفكر وممكن تفقد كل شىء وعلشان كدة هى لسة ناوية تفوق وتفكر من جديد بس لسة بردة الموضوع ماثر فى نفسيتها المهم دى كانت تالت صفة


رابعا

انها دمغها نشفة اوى عنيدة كدا ودى بئة صفة من الصفات اللى فى بعض الاوقات بضرها وهى بتعترف بكدة موخها دا صعيدى وهو دا اللى يمكن مخاليها متاثرة شوية بالنسبة لموضوع مستقبلها لانها مش بتحب تستلم بسهولة ساعات كمان بتعند فى حاجات هى ممكن تكون عيزاهاممكن ببرفضها وبتعند فى رفضها علشان ساعتها بيكون جواها تناقض يعنى ممكن يكون العقل رافض لكل الاحساس مستريح لاى موضوع مثلا يعنى دى بردة حاجة بتتعبها كتير

دا اللى هى سمعتة من اهلها

طيب نقول اللى بيتقال عنها من المدرسين بتوعها اللى هما بيلو اهلها طبعا

من اول الابتدائى لحد الثانوى كلهم اتفقو على حاجات كتير مع الاهل

منها اول

حاجة حبها لعملها يعنى لما بتحب حاجة بتدلها بحق عندها اراجة كويسة عندها روح حلوة يعنى بتهزر بردة

تانى حاجة

وهة انها لبقة فى اسلوب حورها بتمتلك القلم واللسان معا لها اسلوب حوار جيد فى اى موضوع يناقش بتحب تقطنع وتقنع لما فى الموضوع من اراء عندها سرعة بديهة

تالت حاجة

انها شقية اوى بس اللى بيمحى الشقاوة دى والحمد اللة انها متميزة ديما فى درستها عمرها ما تفوت حصة عمرها ما تنقصى اى امتحانا الا ابسيط المقبول ديما من الناس المعروفة فى المدرسة طبعا ودا الانها كب يوم فى وشهم فى الاذاعة المدرسية وطبعا دا راجع الى حسن الالقاء وبراعتها فى الحديث فبتعرف تقدم كويس

رابع حاجة

انها انسانة اجتماعية بمعنى انها بتقيم صداقات او تعاملات فى ابسط وقت ودا لانها بشوشة وزى ما قولنا قبل كدة بتعرف تتكلم كويس اوى باسلوب لبق فى شىء من الثقة

خامسا

ان كل الناس بتحبها لانها كويسة اوى مع كل انسان بتتعامل معاها ودى هنقول سببها
منها هى ذات نفسها لانها هتكون معانا طبعا وهتتكلم عن نفسها

نيجى بئة لى اهم ناس اللى هما لازم يكون اكتر ناس معهاهما الاصدقاء هههه اعذرونى عن هذة الضحكة فنحن لانستطيع ان نقول عنهم شىء فلا احدا يعرفهم جيدا سواها

وهنا سنرفع الستار ونعطى الميكروفون الى صاحبة هذا الموضوع اقصد هذة القصة التى من خالها تريد ان تقول لنا شىء وهى من ستقولة بالسانها ولا احد غيرها يعرف ان يقولة


ازيكم يا جماعة عاملين اية بجد انا فرحانة اوى انى معاكم النهاردة وعايزة اقولكم انتو معزتكم اد اية عندى بجد انا بحبك جدا وبحب المنتدى دا اوى وعايزاكم تعرفوا ان دى اول مرة بجد هتكلم فيها عن نفسى بكل صراحة وبكل وضوع هتكلم عن جزئية وهى الاصدقاء فى حياتى

ومن خلال كدة عايزة اوصل لى اى حد زعلان من صحبة مش يتاثر اوى ومش يزعل خالص منة

انا واعوذ باللة من كلمة انا هههههه

انسانة زى اى حد يعنى طبعا احنا كلنا زى بعض اصلا دا مش تواضع ولا اى حاجة من دا بس كل اللى يفرق ما بنا قدرتنا مش اكتر هتكلم عن صفاتى اللى انا شيفاها فيا بجد واللى انا بعمل بيها

نبداء على بركة اللة

شخصيتى دى عبارة عن

انسانة

بتحب الخير بجد لكل اللى حاوليها انسانة بتحب الناس يعملوها زى ما هى بتعملهم وطالما هنتكلم عن اول شىء وه الخير عايزة اعرف كل انسان بيعمل او اى منفعة لى اى حد انة يكون فى نيتة بجد ان يعمل الحاجة دى من غير انتظار مقابل لانك فى الاول فى الاخر بتعامل الرب مش بتعامل العبد هى بتفكر كدة بتفكر انها لما تعمل خير النهاردة اكيد ربنا هيدوهولها بكرة واحسن كمان مش بتنتظر حاجة من حد وساعات حتى مش بتعوز كلمة شكرا دى كون اللى ادمها يكون سعيد دى عندها بالدنيا اصلا

انسانة

بتحب المرح اوى اوى بتحبة بطريقة غبية ديما هزار وهو دا اللى هى معروفة بية بين اصحبها انها مش عندها اى حاجة جد اصلا كل حاجة تقلبها هزار بس بردة مش معنى كدة ان ما فيش جد لا طبعا ساعت التفكير فى اى حل او اى حاجة لازم تكون جدا والناس بتحي دا فى شخصيتى اوى حكاية ان دمى خفيف دى والحمد اللة الكل بيشهد لها بالادب وبالالتزام

انسانة

بردة خجولة بعض الشىء مع اى حد غريب يعنى مش مع كل الناس يعنى ساعات لما حد من المدرسين بتوعها بيشكر فيها ولا اى حاجة واى حد يعنى تلاقيها ضربت الاوان ومش عارفة ترد خالص وتتلخبط وتكون ساعة ما يعلم بيها الاربنا

انسانة

طيبة اوى لحد كبير اوى اوى طيبة فى اى وصف مش بتحب تزعل حد منها خالص

وهنا هتكون بداية الكلام عن الاصدقاء

وهنا هنكمل كلمنا عن الطيبة وهى دى رغم انها صفة حلوة اوى وهى لحد دلوقتى متمسكة بيها اوى انا ما اكنتش عايزة اقول حاجة زى دى بس هما اللى خلونى ارددها هى ان الطيبة عيب دلوقتى فى حايتنا او بمعنى اخر مش بتنفع دلوقتى خالص مع الناس الحالين انا زى ما قولت قبل كدة ان الطيبة دى هى تالت سبب لحب الناس ليا حب الاصحاب ليا بس للاسف مافيش حد بيقدر انا من طبعتى زى ما اتذكر قبل كدة انى اجتماعية يعنى بقدر اتصاحب على اى حد بسرعة وكمان انا كنت بردة عايزة اقول حاجة دى انا بحبها فيا اوى وهى ان عندى فراسة يعنى بمعنى انى ممكن ولو لحوار بسيط اقدر اوضح اذا كان الاشخصية دى كويسة ولا لاء و خدو بالكم انا قولت حوار ما قولتش مظهر يعنى لازم لما نيجى نحكم على حد لازم ما نقولش اى حاجة كدة فى الهوى وخلاص المهم انا بطرقتى دى اتصحبت طبعا على ناس كويسة اوى اوى واستفد منهم كتير كبير وصغير ان احسن اصحاب فعلا بتوع الابتدائى االلى انا بفتقدهم دلوقتى جدا حد هيقول لية اقولكم لية

لان الطفل بعدتة برىء اللى فى قلبة فى لسانة بيحب حد بيحبة لوجة اللة كدة بيرتحلوة فعلا اهو احنا كنا كدة فى الابتدائى كنا بنحب بعض بجد اوى سواء بنات او اولاد كنا اخوات بمعنى الكلمة

وجينا اتفرقنا فى الاعداية وانا دخلت الاعدادى ودى مرحلة مهم اوى فى حياتى مهم لانى اتعلمت كتير وهى دى بردة بدايت اكتشافى لبعض المواهب اللى فيا دى اتصحبت فيها على ناس من معايا فى نفس المنطقة اللى انا بعيش فيها كنت طيبة اوى معاهم كنا بنروح ونيجى مع بعض و فو الدروس بردوة مع بعض كنا تلاتة بس كانت التلتة دى هى سبب المشاكل ما بينا كنت سا عتها مش عارفة افسر اللى بتعملة دا با اية لانى ساعتها اصلا بردة ما كنتش اعرف حاجات كتير فى صفات البشر دى كانت ساعتها حسب ما كنت انا مفسراها وقتها اصلا انها بتحبنى حوب زايد شوية كانت لما بتشوفنى بضحك مع حد غيرها او ماية مع حد غيرها واحنا مثلا فيتين عاليها الصبح وانا حنا نكون مسكين فى ايد بعض او كدة كانت تقولى مش تمسكى فى ادها سيبيها هى هطير كانت لما اتكلم مع اى حد من الشلة ومش بتكلم معاها تقولى انتى مش ما تكلميش البت دى تانى كانت فى طبع واللى انا عرفتة طبعا بعد كدة انها كانت بتحب تفرقنا عن بعض لكن نكون كلنا حاوليها يعنى انا متخصمة مع دى اوى دى ونكون متصلحين معاها دى كانت تتكلم عليك فى حضورك بحاجة وفى غيابك فى حاجة تانية كانت لما بتزعل مش هقول هى لوحدها بس انا متعودة انى مش بحب ازعل حد منى خلاص كنت اروح اصلحة دى بئة كا نت حتى تكون هى اللى غلطانة وانا اروح اصالحها وكدة لمدة سنتيتن وجينا لسنة تلتة اعدادى ودى بئة ظهر فيها كل المستخبى اتنين جداد انضمو لينا ناس كنا نعرفهم قبل كدة بس مش اصحاب اوى منهم واحدة كانت جارتها معاها فى العمارة البنت دى انا كنت بحبها لدرجة ما حدش يتخيلها كنت بخاف عاليها اوى من اى حد يزعلها او حتى يجرحها كانت كويسة او كانت معلش بتظهر كدة لان دى اصلا ليها قصة لوحدها خالص انتهت بردة انى كشفتها على حقيقتها انسانة بتاعت مصلحة وبس المهم انا اتصحبت عاليها وحبتها حب متفانى جدا كانت لما بتزعل منى واللة كنت بعيط انى زعلتها من غير ما اقصد لانها كانت مش متعودة على هزارى فى الاول المهم اطصاحبنا على بعض وكنا اخر حلاوة وجات طبعا الست القديمة دى ازاى تصاحب حد غيرى راحت هى كمان مصحبة واحدة وضمتها للشلة وشوفو بئة انتو الفرق هى كانت مصحباها مش حبا فيها لاء دا علشان تغظنى فكرانى زيها بحقد على اى حد بيستريح مع اى حد تانى المهم البنت اللى هى صحبتها دى كنت انا اعرفها وكانت انسانة كويسة اوى وكانت ليها صحبتها الانتيم وحدة من برا الشلة المهم دا شىء واللة انا كنت بفرح بية اوى كنت بفرح فعلا لما الاقى حد بيحب حد كدة بس دى بئة ازاى راحت مفرقة ما بنهم طبعا وهى كانت معروفة بقوة تاثير كالمها على اى حد لانها كانت سورى يعنى بتزن يامة المه فرقت ما بنهم وبردة كانت عايزة تفرق ما بينى وبين الصحبة الجديدة اللى انا اتصاحبط عاليها بداء الحد يبان على اصلة فى كل حاجة حتى الامتحانات فى الدروس انا كنت بعدتى بحب العربى جدا وديما اجيب فية الدراجات النهئية فى الدروس وكدة كانت ساعات هى اعلى انا اعلى فى الدرجات بس بتكون حاجات بسيطة يعنى مش تفرق كتير بس انا كان عندى قناعة ان دى هى مذكرتى ودا اهو جهودى
المهم دى بئة كانت لما انا اجيب الدرجة النهائية وهى لاء كانت تزعل منى مش تكلمنى خالص واقسم باللة كانت بتكرهنى انى اجيب الدرجة النهائية فى الدروس شوفتو بئة رغم دا واللة كانت بردة يتغلط فيا كتير وانا ردة اللى اروح واصلح الامور واصالحها وكدة وهى زى ما تقولو تمادت فى كدة واحدة بئة بتيجى وتتاسف لما بنزعل مع بعض حتى لو انا غلاطة يبئ اصالحها لية طالما هى بتيجى وتتاسف دا كان تفكرها اصدها عاليا يعنى انى انا اللىىبروح واتاسف على الرغم من انى مش غلطانةكانت واقسم باللة يا جماعة بمعنى الكلمة (بتشتم) فيا وانا ماشية جنبها طبعا
احنا كونا بنرجع انا وهى وصحبتنا التانية اللى هى كانت واخدها علشان تغطنى بيها كانت بئة تقول كلام كدة مش كويس يعنى يعنى البت دى رخمة ومش عارفة اية حاجات كدة مش بحب اذكرها يعنى من الاخر كان نظام تلقيح كلام يعنى بتتكلم مع صحبتنا التلتة دى عاليا بس مش توضح كالمها اوى علشان ما افهمش بس وا اسفاة كنت فاهمة ان الكلام دا عاليا بس كنت مش برد مش بدافع ولا اى حاجة واللة العظيم كنت بقية عاليها لحد اخر لحظة لانى مش ببيع كدة بسهولة كنت اقول دا شغل عيال بكرة تهدى وكدة وكنت بردة انا اللى اصالحها لحد ما جهة اليوم وكان فى درس الرياضة بس واللة مش فاكرة الحوار كان اية بالظبط بس المهم قالتلى يا ......... انا بئت( اكرهك ) انا اخدت الكلمة دى زى الصعقة كدة بالظبط يعنى بعد دا كلة تقوليلى انا بكرهك لية انا عملتلك اية احسن معلملة وبعاملهالك رغم انك غلطانة تعرفو ا واللة انا ما كنتش اعرف اية اللى كان بيسكتنى على غلطها فيا دا وجت تانى يوم لاقيتها بتكلمنى عادى ولا كان فى حاجة حصلت امبارح شوفوا بئة الطيبة بهبل اللى هى انا عاديت الموقف ولا حتى عاتبتها وكلامتها تانى واحسن من الاول كمان وخلصت السنة وجية الثانوى بئة كان كمان فى نفس الفصل بس السنة دى بئة رجعنا تانى زى ما كانا فىالاول تلاتة وبس بس بردة اللى طبع خلاص مش بيتغير كانت بردة مش بتحبنى اكلم صحبتنا التانيةاو امشى معاها اوكلمها ادمها هههههههه

بس تعرفو انا حصل بئة معايا نفس الموقف تانى بس المرة دى من ناس بدل ما يقولو كرهناكى قلو اتخنقنا منك ودى واللة لسة ماثرة فيا جدا لانهم اصلا مش يعرفونى علشان يقولو اتخنقنا ولا ما اتخنقناش انا بقول كدة لانى فعلا بعمل كدة مش بحب اقول على حد حاجة الا لما اعرفة
المهم نرجع لموضوعنا


وعدت السنة ودخلنا تانية انوى كونا بنتقابل بس فى درس الرياضة بس كانت بئة المعملة طبعا اقل ودا ترتب علية قلت اخلافات وانتهت السنة بردة عايزة اقولكم ان فى حاجات اكتر من كدة بس الواحد هو اللى مش بيحكى اكتر من كدة يعنى دى عينة من اللى انا شوفتة من الاصحاب

وكمان كنت عايزة اذكر حاجة انى بطبعتى مش بثق بحد خالص مهما ان كان مش بثق فية يعنى مش بصدقة لاء
الموضوع مش كدة خالص يعنى مش تقولوا انى شكاكاة لا ء مش بثق عندى بمعنى انى احكى عن اى حاجة جوايا ودا اللى جعل جواية وبصراحة حزن جامد اوى ما حدش يعرفة اصلا وبردة هزار وضحك وكل حاجة كويسة

انا بردة انسانة مش بحب الظلم اكتر حاجة بكرها هى الظلم دى بكرة بجد الظلم مش معنى انك تتهم حد بقتل وهو ما قتلش او كد بس لاء الظلم عندى مجرد انك تكذب تكون ظالم لنفسك قبل ما تظلمنى انك تقول حاجة فى انسان مش فية دى بردة بتظلمة انك تغدر بحد دا بردة ظلم

انا ما فيش حد بيعرف مين انا من جوايا بجد ما احدش فكر مرة يعرف اية اللى ورا جدار الهزار دا ماحدش حاول يطلع اللى جوايا ولا مرة يمكن دا لانى اصلا مش مدايهم فرصة لانى مش بحكى عن اى حاجة بس هما بردة لو كانو مدينى الامان يعنى احس معاهم بالامان فعلا كان زمانى حكيت عن كل حاجة انا صحبت ناس كتير بس للاسف هما مش اصحابى انا اسمع منهم واخفف عنهم بردة وهزر معاهم واصالح بنهم لكن انا اعمل كدة لاء لانى اصلا بروح اصلاح الحد اللى انا زعلانة منة حتى ولو مش انا اللى غلطانة يعنى بقول خليكى انتى الاحسن بردة بس بجد جوايا كمية حزن جامدة اوى بسبحاول اداريها واو اتكلم عنها

دى كانت حكايتى عن اصحابى او مع واحدة من اصحابى طبعا فى ناس كويسة كتير وبحبهم اوى كمان بس هما مش بيعرفونى غير لما بيكونو مدايقين ولا زعلانين مع بعض فى الحالة دى يجوليا والجمد اللة بسا عدة على اد ما ربنا بيقدرنى

وكمان انا فية صفة مش حلوة النرفزة انا لما بتنرفز بكون وحشة اوى يااااة بزعل ناس منى ساعات علشان كدة مش بحب اتكلم لما بكون متنرفزة علشان مزعلش حد منى وكمان فى بعض الاحيان بيكون خولقى ضيق اوى ودى بردة حاجة بضورنى لانى فى بعض الاحيان بتكون عايزة صبر وانا بفقد اعصلبى فى بعض المواقف بسرعة واتعصب ودى حاجة انا بحاول اقلل منها على اد ما اقدر

عايزة اقول بردة انت عمرك مرة فكرت انت اتعلمت اية من اهلك انا اتعلمت كتير اوى كل اللى انا ية دا اصلا بسببهم

اتعلمت مثلا من ولدى التحلم والصبر فى اى موقف من المواقف ودا للى بحاول اطبقة اتعلمت الوفاء بالعهد والكلمة اللى اديها لى اى حد انى لما اتحمل مسؤولية اكون ادها من الاول

اتعلمت بردة من والدتى الاخلاص طريقة معملت غير الكبير والصغير اتعلمت ازاى اعترف بالجميل وازاى ارد الجميل زية او احسن منة كمان اتعلمت حب الناس من والدى ولدتى اتعلمت اخدم الناس للة مش علشان مصلحة انا واخدة حكاية الحكمة دى فى طريقة التفكير من والدى اصلا لانة بردة زى كدة ناس كتير بردة بيستعينو بية فىكتير فى حل المشاكل والحمد اللة ربنا بيوفقة

وقبل كل دا اتعلمت انى احافظ على صلتى بربى انى اصلى واحافظ على صلتى واحفظ قران وربنا والحمد اللة بيكون فى عونى وبيساعدنى كتير

كان عندى كلام اكتر من كدة بس مش عارفة راح فين واللة بس بجد ان دلوقتى مرتاحة جدا لانى اتكلمت وقولت انى فعلا بحب الناس اوى وكان نفسى بجد فى صديقة كويسة اتعامل معها بس الحمد اللة حب الناس ليا دا مكفنى وزيادة ومعوضنى عن كل شىء

انا مش ادرة اقولكم اصلا اما فرحانة اد اية دلوقتى لان كلامى كان فعلا من القلب هو صحيح جزء بسيط اوى من اللى شوفتة من الاصحاب بس اهو فك شوية

ومن خلال كدة كنت عايزة اوصل لكل انسان فعلا عندة انسان عزيز علية انة يتسحملة مهما كنت فية من عيوب اونة يكون هو الاحسن فى اى موقف بس مش للدرجة اللى انا عملتها دى لانى بجد بندم على بعض المواقف اللى كان لازم يكون فيها موقف وحسة ان كرمتى بردة اتناهت شوية من ناس مش تستاهل بس اهوة ارجع واقول لكلة متعان للاخرة انا بعمل لاخرتى مش لدنيتى والدينا انت لو بصتلها بجد هتلاقى انة حرام عليك تزعل على اى حاجة فيها لانها كلها اصلا هتنتهى كدة كدة كل واحد يحاول يحسن من نفة اكتر واكتر يحاول بظهر اللى فية من جوا بطريقة كويسة
لان كل واحد فينا جواة الوحش والحلو بس الشاطر هو اللى يخلى حلوة يغلب على الوحش بتاعة ويخلى الناس تحبة اكتر واكتر يشهدولة شهادة حق فى غيابة

هو دا جزء من الحكاية بساتمنى انو يكون اضاف جديد لى اى حد او يكون ادالة فكرة عن اى شىء هو مش يعرفة فى الناس وصفتهم بس مش كل الناس وحشة اعرف ان زى ما انت حلو اكيد فى اللى زيك حلو بردة

بس انا كنت عايزة اقول بردة ان فى حاجات لسة ما قولتهاش يعنى مفاهيم او كدة ودا هيتوقف زى ما قولت على تفاعلكم

يعنى عايزة اشوف رد فعلكم اعرف احكى كويس وفى امل ليا فى مجال القصة الواقعية يعنى بعرف اعبر ولا لان القصة مش زى الشعر ولا الخواطر المهم يلا بئة دلوقتى تنامو وتشربو اللبن وتغسلو رجلكم بل ما تنامو هههههههه

ودلوقتى هقول خاتمتى

ان متمنية من المولى عز وجل ان تكون قد استمتعتم حق المتعة واستفدتم فعلا لان الموضوع زى ما انا قولت مش منقول


دومتم جميعا بكل الحب والمودة والصحة والعافية لكم منى جميعا خالص التحية والتقدير وفائق الاحترام والاعتزاز


اختكم

سمو الاميرة