تخش لى قافية !!!

مون مون · #1 08-01-2008, 05:31 AM

بسم اللة الرحمن الرحيم

السلام عليكم ورحمة اللة وبركاتة

ازيكم يا اعضاء احلى منتدى فى العالم يارب تكون كويسين وبخير

تعالوا معايا يلا واتعلموا ازاى تخش على اى حد قافية شوفو بئة اية اللى حصل

اصيب جهازى بتهنيجة مفاجئة اوقعتنى فى حيص بيص وحاولت بكل الطرق ان افك التهنيجة.... لكنى فشلت ونهجت من التعب بينما ظلت التهنيجة على حالها

اتصلت بالشركة اسأل اذا كانت فترة الضمان التى تسمح لى باصلاح اجهاز عندهم سارية ام لا
فقال لى المسؤل عن الضمان ( كان ضمان وجبر )... فاضطررت لاستدعاء مهندس كمبيوتر خصوصى الذى اصبح كالمدرس الخصوصى واالطبيب الخصوصى والسباك الخصوصى ....مع حفظ الاحترام لجميع المهن

فحص المهندس جهاز الكمبيوتر ثم نظر لى كما ينظر الطبيب لاهل البطلة فى الافلام المصرية القديمة وصمت للحظات حتى تصورت انة سيقول لى للاسف جهازك حامل وليتة قالها....
وذلك انة رسم على وجهة تكشيرة كئيبة واخبرنى ان كارت الشاشة اتحرق وان على شراء كارت جديد بعدة مئات من الجنيهات

وكعادتى فى مثل هذة الاحوال قررت ان اقلب الصورة والخبط الدنيا بحثا عن مجرج من الصدمة والازمة حتى لا تحدث مضاعفات للفتق الذى اعانى منة منذ فترة

فقلت لمهندس الكمبيوتر تخش لى قافية ؟

ابتسم وقالى ماشى ..... قلت لة انا ها اسالك وانت عليك تقولى اشمعنى .... قال ماشى

واجمل ما فى القصة انة انصرف ونسى ياخد حق الكشف على الكمبيوتر !!.. وندخل على القافية.

***تخبط ع الباب يقولوا لك

**اشمعنى

***دوس انتر

***طول عمرك تشتكى

**اشمعنى

***م الديسك

***لما تبص على الجيران

**اشمعنى

***يقفلوا فى وشك الويندوز

***يزعقوا لك

**اشمعنى

***تهنج

***لما تخبط فى الكلام

**اشمعنى

***يرستروك

***المدام كل يوم الصبح

**اشمعنى

***تفرمتك

***حفيدك يقولك

**اشمعنى

***يا سى دى

***تفرش وتنام انت واخواتك

**اشمعنى

***ع الهارد

***من زهقهم منك يقولوا

**اشمعنى

***ياهو

***تحسس على وشك وتقول

**اشمعنى

***با عمل سيرش على مناخيرى

***تسمع الشتيمة

**اشمعنى

***وتسيفها

***المدام ديما

**اشمعنى

***مستباك اول باول

***على فكرة

**اشمعنى

***انت شبة يهود سايبر

دمتم جميعا بكل الود والخير والمحبة

لكم منى جميعا خالص التحية والتقدير والاعتزاز ولااحترام

اختكم

سمو الاميرة

mody soft · #2 10-27-2008, 03:12 PM

اختكم

سمو الاميرة

اشمممممممممممممممممممممممممممممممممممممممممممعنى

مون مون · #3 10-28-2008, 09:59 AM

اقتباس:

اشمممممممممممممممممممممممممممممممممممممممممممعنى

اقتباس:

اميرة فى موضوعتها

mody soft · #4 10-29-2008, 07:23 AM

اقتباس:

المشاركة الأصلية كتبت بواسطة مون مون

اميرة فى موضوعتها

يا سلام بقى كدة

ومين الامير بقى

جى فى السكة ولا جى مشى

ماشى وانشاء الله مون مون (مكفايا واحدة بس ولا انتى فرحان باغنية اقمرين بتاعت عمرو دياب

) لو بتفهمى انجليزى مون يعنى قمر moon

بس اقمرين two moon بس مون مون اى مابتعرفيش تجمعى ولا اى قولى 2مون او مونان

هههههههههههه:ic on6:

طيب مون بناسبة اى انشاء الله
علشان متعلقة فى الهواء ولا ساكنة فى الدور الاخير

مع تحيات

مودى دبور
yeahh baby yeah

انا فى الخدمة

مون مون · #5 10-29-2008, 09:07 AM

اقتباس:

يا سلام بقى كدة

ومين الامير بقى

جى فى السكة ولا جى مشى

هو انت مش بتقول اشمعنى سمو الاميرة اهو علشان كدة اما بالنسبة للامير فا كل واحد عارف نفسة اذا كان امير ولا غفير

اقتباس:

ماشى وانشاء الله مون مون (مكفايا واحدة بس ولا انتى فرحان باغنية اقمرين بتاعت عمرو دياب

) لو بتفهمى انجليزى مون يعنى قمر moon

بس اقمرين two moon بس مون مون اى مابتعرفيش تجمعى ولا اى قولى 2مون او مونان

هههههههههههه:ic on6:

اولا كل حد يشوف الاسم مكتوب يفتكرة ان معناة قمر بس واللة هو انا مش كتباة بنية كدة خالص دا فعلا دلع كدة على بعضة (مون مون)

وبعدين اغنية قمرين اية دا انت قديم اوى

اما مونان شكلك كدة مذاكر عربى كويس اوى بس للاسف ما في مثنى لمون لانها لو هتعاملها على كملة انجليزى يبقى ما ينفعش تجبها بالعربى الاول وبعد كدة تثنيها

تعالى خود عندى درس وريح نفسك الحصة بنص جنية علشان نضرب بس باقى المدرسين ونشوف بئة اكل عشنا

اقتباس:

طيب مون بناسبة اى انشاء الله

اقتباس:

علشان متعلقة فى الهواء ولا ساكنة فى الدور الاخير

واللة انت مصمم على انها قمر بس على فكرة هى لو قمر مش بعيدة اوى يعنى

يمكن يكون القمر فى المركز التانى وانا الاول او هو الاول مكرر

متشكرة اوى اوى لمرورك الجميل بجد اللى شرفنى واضاف للموضوع روح جميلة اوى

ارجو الا تحرمنى منة فى باقى المواضيع

اختك سمو الاميرة

تخش لى قافية !!!

تسالى فى تسالى

تخش لى قافية !!!

تسالى فى تسالى